Gure aukera, sare libreak

Fedibertsoa erabiltzaileen eta komunitateen deszentralizazioan eta ahalduntzean oinarritutako eredu digitalean zimendatu da eta, plataforma pribatibo eta zentralizatuek ez bezala, gardentasuna, komunitatearen balioa eta erabiltzaileekiko errespetua lehenesten ditu.

Sare libreak funtsezkoak dira, adibidez, euskarari merezi duen lekua emateko interneten. Libreak eta komunitatean oinarrituak direnez, gure hizkuntza eremu digitalean garatu, hazi eta presentzia duina izateko aukera bermatzen dute, kanpoko erabakien zain egon gabe. Mastodon.eus euskararen arnasgunea dela esan izan dugu behin baino gehiagotan, baina beste proiektu askok ere bere lekua ematen diote euskarari azken urteotan. Laburbilduz, zera esan genezake:

Euskarak ♥ Fedibertsoa eta Fedibertsoak ♥ Euskara

Mastodon.eus sustatzen dugunok, badakigu beste hamaikatxo arrazoi daudela sare libreen alde egiteko, baina formulario honetan arrazoi bakarra idazteko eskatzen dizugu. Parte hartzen dugun pertsona guztion artean zerrenda kolektibo bat eraiki nahi dugu, sare libreen alde egiteko arrazoi garrantzitsu eta askotarikoak islatuko dituena.

Anima zaitez beste sareetatik Mastodon.eus-era eta Fedibertsora salto egitera eta sare hurbilago baten partaide izatera!

Mastodon.eus Fedibertsoa.eus

Atxikimenduak: 73

• “Komunitateak komunitatearentzat sortutako sare sozialak direlako”
  Asier Iturralde Sarasola (@aldatsa@mastodon.eus)
• “Burujabetza teknologikora urratsak emateko aukera eskaintzen digulako”
  Dabid Martinez Perez (@desertorea@mastodon.eus)
• “Autogestioa oinarri, euskaratik, euskaraz eta libre sortutako komunitateak sustatu eta biderkatu behar dira.”
  ARGIAko lantaldea (@argia@mastodon.eus)
• “Herri bezala ahalduntzeko konpainia handien menpekotasun teknologikoaren aurrean alternatibak eraikitzea eta bide hori modu kolektiboan egitea ederra delako”
  Iametza (@iametza@mastodon.eus)
• “AIO silicon valley (maiuskularik ez oparitu etsaiari)”
  Talaios.coop (@talaioskoop@mastodon.eus)
• “Behar komunei, alternatiba komunak eta komunitarioak ematea ezinbestekoa delako.”
  Teks.eus (@teks@mastodon.eus)
• “Zergatik ez?”
  Gorka Julio Hurtado (@teketen@mastodon.eus)
• “Plaza publiko digitalaren baloreak eta arauak elkarrekin finkatzea ezinbestekoa delako eta euskarak bere plaza publiko propioa behar duelako.”
  Eder Etxebarria (@ederto87@mastodon.eus)
• “Sare hau bikaina da, ta ziur nago hau dela niretzako bide egokia (eta beste askorentzat ere)”
  Porru (@porru@mastodon.eus)
• “Elkarrekin eta maila berean, norbanakoen artean egindako sare soziala. Etekin eta onura guztiak soilik partaideontzat geratzen dira.”
  Jonmikel Intsausti (@xanmixel@mastodon.eus)
• “Gure elkartearen izenak dioen moduan, kultura librea sustatzen dugu, eta zer dago libreagoa Fedibertsoa baino?”
  BazkiZopa Soinu eta Kultura Libre Elkartea (@bazkizopa@pixelfed.eus)
• “Eskubide digitalak oinarri subiranotasun teknologiko eta digitala eraikitzen ari garelako.”
  Josu Aztiria Urtaran (@josuaztiria@mastodon.eus)
• “Munduko aberatsenaren tabernan bere belarrijana jasatea baino nahiago dut parte hartu auzo asanbladan.”
  Estitxu Eizagirre Kerejeta (@eeizagirre@mastodon.eus)
• “Markatu zenituzten arauekin super-bat: Mastodon.eus euskaraz bizi da. Ahal bezain beste euskara erabili. Debekatuak daude: faxismoa, arrazakeria, sexismoa, xenofobia, homofobia, transfobia. Ez inor iraindu edo jazarri.”
  Luistxo Fernandez (@luistxo@mastodon.eus)
• “Sare digitaletan, eskasia teknokapitalistaren logikarekin apurtzen du, oparotasun digitala denontzat izan dadin. Aske gara oraindik itsasoak zeharkatzeko!”
  Beñat Irasuegi Ibarra (@birasuegi@mastodon.eus)
• “Erabakitzeko askatasunaren alde nagoelako”
  Leire Lisón Nicuesa (@leire.ln)
• “Sare sozialetan partekatu gura dudana modu librean zabaltzen laguntzen didalako, eta gura dudan bestelako mundu hori komunitatean eraikitzeko tresna egokia delako.”
  Xabier Letona (@xletona@mastodon.eus)
• “Erraldoi teknologiko zentralizatuen aurrean, komunitatean oinarritutako gertuko plaza publikoa sortzea delako, komunitateak komunitatearentzat euskaraz sortua.”
  Aritz Olagoi Olazabal (@Aolagoi@mastodon.eus)
• “Algoritmo manipulatzaile eta jabe multimilioidunik gabeko elkarrizketa eta eztabaidarako plaza digitalak behar ditugulako.”
  Xabier Landabidea Urresti (@txerren@mastodon.eus)
• “Eskuin muturra sustatzen eta norberaren datuak hauen interesen alde jartzen dituen algoritmoak baztertzeko eta batez ere, norberaren ongizatean salto bat ematen laguntzen dutelako”
  Urtzi Odriozola (@urtzai@mastodon.eus)
• “Utopidxen bile, batzutan basatzatan, baie beti libre”
  zital (@zital@mastodon.eus)
• “Euskaldunon Independentzia, Fedibertsoan benetakoa izan daitekeelako.”
  Guz (@Guz@mastodon.eus)
• “Gaur egun libre izateko modu bakarra”
  mugalari (@mugalari@mastodon.eus)
• “Utopia irla bat ei zen, autogestiotik hasita libre izateko aukera dago kontinente digitalean.”
  Alex Martinez (@kakapo@mastodon.eus)
• “Komunitatea, antolaketa, euskara, burujabetza, eraldaketa, harremanak, komunikazioa, jakintza, babesa eta askatasuna uztartzen dituelako. Eta oso ondo pasatzen dudalako.”
  Xabier Otegi Amundarain (@txapisotegi@mastodon.eus)
• “Sare bikaina eta oso oso interesgarria. Hemen beste inork ez du erabakitzen zer ikusi behar duzun; zure esku dago.”
  Arantza San Sebastian (@arasanse@mastodon.eus)
• “Ez dago iragarkirik.”
  Mikel (@mikelgs@mastodon.eus)
• “Kontsumitzen dugun orok badu bere baitan aldez aitzinetik xurgatu dizkiguten datu, gogo, gustu eta nahien puxketa bat. Estraktibismo dijital horretatik askatzeko bidexenda bat eskaintzen didalakoz naiz hemen eroso, segur, babestuta.”
  Nora Salbotx Alegria (@construktsia@mastodon.eus)
• “Bere komunitateko kideak zaintzen, ulertzen eta omentzen dituen plataforma bat (berezko emojiak ikustea besterik ez dago) ez delako beste plataforma bat, komunitate horren beste adierazpen baliotsua baizik.”
  Koldo Garcia (@koldotxu@mastodon.eus)
• “Sare sozial librea behar dugulako.”
  Haritz Larrageta (@hlarrageta@mastodon.eus)
• “Aupa lagunok! Fedibertsoan euskararen arnasgunea zarete, segi horrela! Gora sare libreak eta gora euskara!”
  Izaro (@izarobasurko@fe.disroot.org)
• “Gure komunitate hurbiletik, elkar ezagutu eta sinergiak sortzeko espazio digital euskalduna eskaintzen duelako.”
  Leire Udabe Aizpurua (@leireudabe@mastodon.eus)
• “Sare hauen oinarriekin bat egiten dudalako.”
  Andoni (@andoniurzelai@mastodon.eus)
• “Fedibertsoa euskararen arnasgune digital paregabea delako.”
  Marko Txopitea (@txopi@mastodon.eus)
• “Aurrera bolia (sic)”
  Xabi Ezpeleta (@xezpeleta@mastodon.eus)
• “Proiektu koletiboa delako. Denona, denontzat. Burujabe eta aske izateko.”
  Jokin (@jokin_PA@mastodon.eus)
• “2022an Twitter utzi nuen, Muskek erosi ondoren bertan jarraitzea robotikaren 1. legearen aurkakoa zelako: 'Robot batek ezin diezaioke gizaki bati kalterik egin, ezta gizakiak kalterik jasan dezan utzi edo onartu ere'. Mastodon.eus-en bot zoriontsua naiz!”
  Wikidosia (@wikidosia@mastodon.eus)
• “Osasun informatiboa ere zaindu beharra dagoelako.”
  Joxe Rojas (@joxe@mastodon.eus)
• “Musk/faxismoa eraisteko garaia”
  Joseba Gabilondo (@josebagabilondo)
• “2019an fedibertsoan jaio zen irakurle talde honi sare libreak ezinbestekoak zaizkio euskal literatura elkarrekin irakurtzeko. #EuskarazIrakurtzenDugu”
  Elegose irakurle taldea (@elegose@mastodon.eus)
• “Bat egiten dudalako aldarrikatzen dutenarekin. GORA SARE LIBRE!!”
  Eider Zulaika (@Izenbe@mastodon.jalgi.eus)
• “Ez al da desiragarria denok askeago egingo gaituena bilatzea?”
  Ibon Idoiaga Basaras (@bixerdo.mastodon.eus)
• “Askatasuna eta erabakitzeko aukera sare sozialetan ere.”
  Hugo Llanos (@sugoi@mastodon.eus)
• “Gure sare digitala ezin dugulako korporazio erraldoien esku utzi.”
  Ander Edo (@anderedo@mastodon.eus)
• “Teknologia eta internet herriaren esku egoteko beste pausu bat bezala.”
  Gaizka Suárez Iparragirre (@gaizkasi@mastodon.eus)
• “Inolako esplotazio eta zapalkuntzarik gabeko Euskal Errepublika helburu, Bilboko ezkerreko independentistok ere sare libreen aldeko hautua egiten dugu.”
  Sortu Bilbo (@SortuBilbo@mastodon.eus)
• “Sare euskalduna, antifaxista eta irabazi asmorik gabea, arau garbiekin eta moderazio hurbilarekin. Hemen ez dago publizitaterik, ez algoritmorik, ez datu pertsonalekin negozioa egiten duen multinazionalik, ez faxistarik, ez kriptobrorik ezta OFen kontua duten jarraitzaile berririk ere.”
  Alberto Matxain (@matxain@mastodon.eus)
• “Euskaraz eta libre”
  Josu Waliño (@JWalino@mastodon.eus)
• “Nor izateko”
  Lore Erriondo (@Lore@mastodon.eus)
• “Euskaraz, pertsona interesgarriekin lasai, errespetuz eta parez pare hitz egiteko tokia. Garbia, inoren produktuen menpe egon gabe. ZUREA!!!! Ez da gutxi”
  Gontxa Torre (@gontxatorre@mastodon.eus)
• “Komunitatearen ezaugarri onenak egikaritzen dituelako proiektuak!”
  Aitzol Saizar Viaña (@aisaivia@mastodon.eus)
• “Kolektiboan gertatzen dena kolektiboaren ardura delako”
  Aitor Urrutia Aranburu (@txarli@mastodon.eus)
• “Burujabetza teknologikoa behar dugulako”
  Ibon Igartua (@igartua@mastodon.eus)
• “Errespetua duelako zutabeetariko bat eta euskaraz bizi garelako modu naturalean. Eta, jakina, librea delako. Denona delako.”
  Iñigo Ibarra (@Mendilarre@mastodon.eus)
• “Kapitalaren logiketatik urruntzeko eta komunitatetik komunitatearendako egindakoa delako”
  iune (@iune@mastodon.eus)
• “Komunikatzeko sare publikoak berreskuratu behar ditugulako, algoritmorik eta zelatatzailerik gabe, gure herritik mundura”
  bikonet (@bikonet@mastodon.social)
• “Nazkatua Xren algoritmoaz. Nazkatuta boteretsuen kontrolpeko sareetaz. Nazkatuta euskera gutxiezten duten sareetaz”
  Jokin (@Jokin@mastodon.eus)
• “Haatik!”
  Urko Rodriguez (@snOiD_JaUnA@mastodon.eus)
• “Informazioa zabaltzeko eta jasotzeko leku eta tresnek superaberatsen eskuetatik eta interesetatik kanpo egon behar dutelako, eta bizitza digitalean ere elkarrenganako tratu ona zaintzen duten lekuak bakarrik onartu behar genituzkeelako.”
  Leire [le] (@trikutik@mastodon.eus)
• “Sare libreak hedatzen laguntzen dugunok, erabiltzaileak jartzen ditugulako erdigunean, ez algoritmoa, ezta publizitatea ere.”
  Abaraska (@abaraska@mastodon.eus)
• “Hasierako internet (edo web) paradigma eskaintzen duelako, oligopoliaren ondorioz kili-kolo dagoena: geldoa, burujabea, norbere nahiei egokitua... eta euskaraz”
  Jon (@jon@mastodon.eus)
• “Euskarak eta euskaldunok arnasguneak ezinbesteko ditugulako, baita eremu digitalean ere!”
  Euskalgintzaren Kontseilua (@kontseilua@mastodon.eus)
• “Sare libreak eta euskara Interneten”
  Goio Urkiaga (@gurkiaga@mastodon.eus)
• “Sofware libre eta sare sozial independienteen alde!”
  Jon Ibarra (Etxekoat!)
• “Autogestioaren alde, beti.”
  Gorka Peñagarikano (@gpenagarikano@mastodon.eus)
• “Ni ere nago software askearen alde”
  Maddalen (maialenolabe@gmail.com)
• “Lurraldean ekonomia sozial eraldatzailean eta teknologia libreetan oinarritutako proiektuak sustatzeko, ezinbestekoa dugulako tresna, sare eta harreman libreetan oinarritutako fedibertso anitz eta indartsua.”
  Torrekua (@torrekua@mastodon.eus)
• “Komunitate gertuagoa eta atseginagoa, kaleko norbaitekin hitzegitea bezala.”
  Unai (furkell)
• “Edozein milioidon txororen menpe ez egotea polita delako, bere horretan. 😘”
  Joseba Beramendi - Exprai (@Exprai@mastodon.eus)
• “Ezinbestekotasuna”
  Kepadi (@Bagurrin)
• “Bertan eremu askeak eta euskaldunak topa daitezkeelako.”
  Montxo Agote (@kilkerra@mastodon.eus)
• “Facebook, twitter, Instagram... Bezelako plataformei negozioa sustengatzea gure teilatura arriak botatzea da. Mastodon.eus benetako alternatiba izatea nahi nuke. Inongo kontzientziaziorik gabe jendeak mastodon.eus aukeratzea.”
  Aritz Ormazabal (@aritzorma)
• “Nahi dugun etorkizuna gaurko eta eguneroko erabakiekin eraikitzen dugulako.”
  Miren Berasategi Zeberio (@miren@mastodon.eus)